Díli, 21 Marsu 2020 - Partidu Libertasaun Popular - PLP no Frente Revolusionáriu Timor-Leste Independente – FRETILIN, sábadu fim de semana ne’e iha Ótel Timor, asina Akordu Konjunta ba konjuntura polítika foun hodi bele kontribui ba hakotu impase polítiku ne’ebé la’o ona besik tinan 3 nia laran, no sai grave liután wainhira CNRT hanesan Partidu aliadu ne’ebé lídera AMP fila Chumba OJE 2020.
Asinatura ba Deklarasaun Hamutuk ne’e hala’o hosi Prezidente Partidu Libertasaun Popular - PLP, Jenerál Taur Matan Ruak no Sekretáriu Jerál FRETILIN, Dr. Mari Alkatiri, asiste hosi estrutura Partidu rua ne’e nian no sei loke dalan ba formasaun IX Governu Konstitusionál.
Hola parte mós iha seremónia ne’e hanesan reprezentante hosi Partidu KHUNTO no Partidu PDN.
#MEDIAPLP
Dili, 11 Outubru 2017, Sorumutu ida ne’e liuliu atu esklarese oituan ami-nia pozisaun, Partidu PLP nia pozisaun kona-ba tanba saida mak koligasaun ou tentativa koligasaun para ou kotu, inisiativa hosi Sé? tanba iha tempu hirak ne’e ami rona espekulasaun barak, balun to’o akuza ami-nia Partidu, entaun ha’u hanoin públiku presiza hatene. I liuliu diretamente hosi ha’u Prezidente PLP para ita-nia povu bele hela ho infromadu buat ne’e la’o oinsá i to’o halo nusá mak sai hosi koligasaun ho FRETILIN.