Tuir sasin ida ne’ebé husu atu labele fo sai nia naran tanba kestaun seguransa esplika katak, suspeitu insial X mak tesi kotu duni tali rin bandiera AMP nian, maibe tanba komunidade ne’ebe hela besik senti tauk nune’e sira hateten ba ekipa AMP katak la koinese ema ne’ebe tesi, tanba tesi iha kalan boot.
Maibe tuir Militante AMP ida katak iha dadersan wainhira sira liu ba dada bandeira AMP iha Suku Vessoru, sira sei haree bandeira rin nia tali, i wainhira fila atu dada mak haree tali la iha ona.
“Ohin dadeer ami liu iha ne’e tali iha hela, pois ami ba dada tiha iha Vessoru fila mai atu dada iha ne’e (Aliambata) bandeira talin la iha tiha ona, ne’ebe ami deskonfia X mak tesi kotuk tan wainhira ami mai nia gas motor iha ami nia oin no atu halo problema ho ami”, dehan militante AMP ne’e.
Tuir observasaun media AMP iha fatin akontesimentu, wainhira Eis Kombatente Tera Bulak to’o iha fatin, suspeitu hatudu atetudi la koperativa hodi gas motor halo barulho no hateten “ imi labele mai dada bandeira iha ne’e tan FRETILIN ameasa se mak la vota FRETILIN uma sira ahi sei han hanesan iha 2007.
Maske Polisia Ofisial Suku (OPS) to’o iha fatin refere maibe la halo kauza ida no la kaptura supeitu ne’ebe deskonfiadau tesi kotu tali.
To’o informasaun ne’e hatun, estrutura AMP nian ho autoridade lokal konkorda ona hodi monta fila fali tali no dada sae fali bandeira AMP, no iha Sesta ohin Portavos AMP ba oserva direta iha fatin refere.
Ba familia ne'ebe hela besik TMR husu atu resepita malu no resepita partidu seluk nia atributu, TMR mos dehan kuandu imi halo problema imi famalia iha ne'e mak terus laos boot sira iha Dili mak terus, sira mai tinan lima dala ida maibe imi iha ne'e haree malu lorolon hanesan familia no hanesan vizinu.
