KOMUNIKADU BA IMPRENSA: LORON DARUAK KONGRESU NASIONAL PLP, APROVA REZIMENTU NO ESTATUTO PARTIDU NIAN Featured

Mai 19

Dili, 19 Maiu 2017 – Tama ba loron daruak Kongresu Nasional Partidu Libertasaun Popular (PLP), Kongresista sira kontinua hala’o diskusaun konaba rezimentu kongresu ba loron tolu nian no diksuti no aprova Estatuto organiku PLP ne’ebé sai lei interna Partidu nian.  

Informa de’it katak, iha loron dahuluk Kongresu nia; sesaun abertura, iha parte meudia Kongresista sira kontinua no hili presidensia meja kongresu, ne’ebé nia serbisu maka atu diriji Kongresu tuir agenda kongresu ba loron tolu hodi halo diskusaun no aprovasaun ba rejimentu kongresu nian,rezolusaun konaba kestaun estratejiku, estatuta organiku PLP no mós hili estrutura difinitivu ba periodu 2017-2022.

Prosesu kandidatura ne’ebe Kongresista sira aprezenta pakote tolu hodi submete ba votasaun, ne’ebe ikus mai Pakote A mak sai manan na’in ho votus 600 resin hosi total delegadus 1233 resin.

Kompozisaun Prezidensia Meza eleitu  kompostu hosi Prezidente, Belun Deometrio Amaral, Vise Prezidente I, Belun Ameta Mendonca, Vise II, Belun Fernando Da Costa, Sekretaris, Belun Antoni Freitas  ho nia Vise, Belun Longuinhos Monteiro.

Tuir Agenda, Kongresu ba loron datolu, Sabadu aban, sei  aprezenta lista estrutura difinitivu ba periodu 2017-2022 ne’ebé sei submete ba votasaun no sei kontinua ba tomada de posse ba estrutura eleitu ne’ebe sei lidera husi maun Boot Taur Matan Ruak ba periodu 2017-2022.

 

Comissão Organisadora do Congresso Nacional - COCN

Phone: 77604444, 77556704, 77232851, 77119858, 77240107, 77571385

E-mail: This email address is being protected from spambots. You need JavaScript enabled to view it. 

Read 778 times