Partidu PLP Rejistu Ona Iha TR

Dez 09

DILI – Atu kompete iha elisaun Parlamentar neebe mak sei realize iha tinan 2017, maka Partidu Libertasaun Popular (PLP) mos hahu ona rejistu iha Tribunal Rekursu (TR).

Tuir Portavos Partidu Libertasaun Popular (PLP), Andre da Costa Belo “L4” ba jornalista depois remata intrega dokumentus legal apoiantes nian ba Tribunal Rekursu Kinta (10/12) hatete durante tinan sorin nia laran veteranus, simpatizantes, militante, joventude, estudante, ativista no dirijente PLP nian halo esforsu hodi halibur asinatura apoiantes municipiu 13 hanesan rekerimentu ida ba prosesu rejistrasaun tuir lei.

Too ohin loron PLP halibut ona total asinantes hamutuk 35.000 maibe MJ hatoo mai ami katak atu rejista agora sei bajeia deit ba lei antigun neebe mak persija asinantes 1.5000 tanba nee ami mos kumpri no ohin loron mai rejista ami nia partidu ho asinantes hamutuk 1.500 no PLP mos hatoo ona dokumentu seluk tuir lei haruka ba Tribunal Rekursu,” hatete L4.

L4 hatutan ho rejistu PLP nee nia fiar katak Tribunal Rekursu sei sei foti desijaun formal ida konaba ezistensia legal PLP iha tempo badak, laos ne deit tuir nia PLP mos konsiente katak oras nee laos tempo kampania maibe PLP hakarak afirma katak PLP mosu atu loke espasu luan liu tan ba partisipasaun ativu povu nian iha prosesu rekonstruksaun nasional iha TL, tanba nee PLP mai atu hamutuk ho Povu TL hikis kosar ba moris diak.

Nunee mos Kordenador Akompaniamentu Dokumetus Partidu Libertasaun Popular, Natalino de Jesus Gusmao Soares, hatete dokumentus hotu neebe mak iha relasaun ho Partidu PLP nian aprovadu hotu ona hosi Ministeriu Justisa nomos Tribunal Rekursu.

 

Hatan konaba kestaun nee Prezidente Tribunal Rekursu, Gilerminu da Siva, hatete Tribulan Rekursu sei analiza dokumentus hirak neebe mak hatama ona hosi Partidu Libertasaun Popular no sei fo sai rejultadu iha tempo badak depois remata hare dadus sira nee. Informasaun kompletu iha STL jornal no STL Web, edisaun Sesta (11/12/2015). Thomas Sanches

Read 1150 times