PLP KONDENA HAHALOK BRUTAL HUSI DEPUTADO FRETILIN NEBE BAKU MILITANTE PLP iha PONILALE-ERMERA

Jul 22

PLP Dili, 22 de Julho de 2017 - Bazeia ba informasaun klaru husi militantes no estrutura PLP iha Município Eremera hato’o katak mais o menos iha loron 22 de Julho de 2017, iha oras 12:30 meudia, Deputado Fretilin ho naran António dos Santos alias "55"  baku no halo agresaun fízika ba militante PLP ho naran Cirilio Babo. Iha altura neba Deputado refere tun husi ninia veíkulu no baku kedas militante PLP sem razaun.

Maske OPS sira iha centro votasaun Ponilala halo ona atuasaun maibe PLP KONDENA hahalok brutal ne’ebe impede militante PLP  wainhira  exerse ninia direitu voto.

PLP rekomenda ba PNTL no OPS atu foti medidas imidiata no prosesa kazu refere tuir leis nebe vigora iha Repúblika Demokrátika Timor-Leste.

PLP mos husu ba CNE atu tau konsiderasaun a’as ba aktu krime durante prosesu eleitoral no iha prosesu votasaun.

"Aktus brutalizmu husi Deputado António hatudu momos katak nia la respeita loron boot nebe ohin povo Timor-Leste exerse sira  direito demokrátiku, no pior liu Deputado ida mak halo fali hahalok brutal hanesan nee ba sidadaun sira iha loron istóriku eleisaun lejislativa 2017 nian, PLP kondena hahalok aat ida nee".

---Remata---

Read 627 times
|P|L|P|

Partidu Libertasaun Popular (PLP)

Website: https://plp.org.tl