Vota No 12 Vota ba PLP Vota No 12 Vota ba PLP Foto PLP.

PREZIDENTE PLP HUSU CNE TAU ATENSAUN BA BULETIM VOTU CNRT NE’EBÉ UZA SIMBOLU FALINTIL

Jun 27

Maucatar, 27 Juñu 2017 : Prezidente Partidu Libertasaun Popular, PLP, Belun Boot Taur Matan Ruak, apela ba CNE atu tau atensaun ba buletim de votu hosi Partidu CNRT nian. Tamba, viola argitu 14.° Dekretu Governu n.° 18/2017, loron 12 fulan Maiu kona-ba REGULAMENTO BA KAMPAÑA ELEITORAL ne'ebé hateten "Partido Polítiku ho Koligasaun partidária sira labele uza símbolu ka naran hosi Instituisaun Estadu nian bainhira hala'o sira nia kampaña no labele uza mós símbolu no naran hirak ne'ebé iha material ba kampaña no propaganda eleiroral".

“Iha ne’e iha retratu ema na’in rua de’it  numeru 7 ba Abo Nana,  no 12 ba Taur Matan Ruak. Abo Nana uza boiña mean ne’e uluk funu nian, tuir lei nia labele uza ida ne’e. Ha’u mós iha boiña mean soke ha’u moe la uza ona tanba funu hotu tiha ona. Loloos ne’e la uza  ona tuir lei. Tanba ne’e, ha’u fó apelu ida ba CNE para sira atensaun ida ne’e, porke se lae ha’u mós foti fali ha’u nia ida ho bintang rua ne’e. ida boina mean fitun la iha, ida boina mean fitun rua”, Prezidente PLP, Belun Boot Taur Matan Ruak, hato’o wainhira hala’o komisu ba loron dal wualu kampaña eleitoral nian iha Terça-feira semana ne’e iha Suku Matai, Postu Administrativu Maucatar, Munisipiu Covalima.

Nune'e mós artigo 12.° husi Lei n.° 2/2016, loron 3 fulan Fevereiru Alterasaun dahuluk Lei n.°3/2004, loron 14 fulan Abril, kona-ba Partidu Polítiku sira, ne'ebé hateten katak labele uza palavras veteranos no rezistênsia nian. Razaun tamba, uluk durante 24 anos funu kontra invazaun Indonesia, forsa ne'ebe eziste iha altura nebá mak FALINTIL nu'udar povo Maubere nia Asu Uain no luta na'in to'o hetan Timor-Leste nia autodeterminação. Maibé, hahu husi tinan 2002 forsa FALINTIL nakfilak ba F-FDTL ka FALINTIL-FORÇA DA DEFESA DE TIMOR-LESTE. Nune'e FALINTIL hanesa Estado RDTL nia património no Instituisaun Estado. Farda FALINTIL hanesan mos farda F-FDTL no la iha diferensa.

Nune'e husu no apela ba CNE atu konsidera ba asuntu ida ne'e.

~~~~~~ H O T U ~~~~~~

Read 65 times Modifika iha loron Kinta, 29 Junu 2017 09:10
|P|L|P|

Partidu Libertasaun Popular (PLP)

Website: https://plp.org.tl