TMR iha Viqueque. TMR iha Viqueque. Foto PLP.

TAUR MATAN RUAK HUSU MILITANTE NO SIMPATIZANTES PLP ATU ATENSAUN TANBA IHA SIVIL LORI ARMA HAKARAK ESTRAGA ELEISAUN Featured

Jun 22

Uatulari, 22 Juñu 2017 :  Prezidente Partidu Libertasaun Popular (PLP), Taur Matan Ruak bolu atensaun ba militantes no simpatizantes PLP nian atu matan moos. Tamba, iha ema sivil ne’ebé  laran foer la’o ho sasan kro’at (armas) atu koko estraga festa demokrasia ne’ebé oras ne’e lao daudaun.

“Ha’u hakarak fó informasaun ida ba inan-aman sira katak, foin dadauk iha Lospalos, ita-nia konselleiru PLP maun Renan Selak uluk komandante iha ai-laran, dezarma sivil ida ho pistol. Sivil sira balun ulun fatuk toos, la’o ho pistola, ne’ebé imi tenke matan moos, no iha atensaun. Ema laran aat, laran foer sira hakarak mai estraga ita, mas ita la tauk.  Tamba, ita povu ida ne’ebé la hakfodak”, informa Prezidente PLP ba militantes no simpatizantes PLP iha komosiu ne’ebé hala’o iha Postu Administrativu Uatulari, Munisipiu Viqueue, Kinta feira semana ne’e.

Eis Gerileiru ne’e subliña, uluk inimigu de’it mai ho kilat boot oioin timoroan la tauk ona, satán ema ida mak mai ho pistola de’it.

Nune’e, iha biban referee eis Prezidente Republika (2012-2017) ne’e apela ba PNTL atu matan moos no visilansia hodi fo seguransa ba komunidade sira atu nune’e labele fó fatin ba ema sivil armadu atu estraga festa demokrasia ida ne’e.

Informa mos katak, iha Segunda feira semana ne’e iha Munisipiu Lautem eis Veteranus Renan Selak konsege kaptura sivil ida ne’ebé ho pistola no intrega ona ba PNTL Munisipiu Lautem hodi submete ba prosesu investigasaun.


~~~~~~ H O T U ~~~~~~

Read 704 times Modifika iha loron Sexta, 23 Junu 2017 09:22