Razaun maka katak, tanba Taur Matan Ruak prontu hamrik iha oin hodi kontra polítika injutisa ne’ebé la’o daudaun iha Timor-Leste. Tamba oras-ne’e daudaun, ukun balun hamosu sidadaun ba klase rua, ida sidadaun klase primeiru ba grupu elite sira, no klase segundu mak povu kiak sira.

“Tanba sa ha’u  la kandidatu fila-fali ba Prezidente Repúblika tinan lima mai tan , tanba ha’u haree injutisa buras loos iha ita nia rain, ke sira halo ho konsiente, sira nia mehi as demais halo sasan tuir sira nia gostu maibe la’os tuir sidadaun sira-nia nesesidades. Ita tenke kontra injutisa ida ne’e, imi labele tauk tanba ita ihaemaidakebranihamrikihaimi-niaoin, ema ne’e mak imi-nia oan Taur Matan Ruak ne’ebé pronto atu hasoru sira (CNRT-FRETILIN), kontra politika injustisa”, dehan Eis-Xefe Estadu ba militantes no simpatizantes sira.

Hafoin Eis-Xefe Estadu klarifika liútan katak, iha rai boot, Governu CNRT halo uluk mak jalan tol no aeroportu internasional, no iha Oe-cusse, Mari Alaktiri mós halo aeroportu internasional, iha Estrada liga husi sidade nia liúr, tama mai sidade trotoar maka luan. Maibé, prinsipal liu maka Ukun Na’in sira haluha tau matan ba povu nia kondisaun moris ne’ebé sei susar tebes. Nune’e, Prezidente PLP hato’o katak, hanesan eis-guerilleiru ida, nia laran tristi haree injustisa refere. Tamba, boot sira ukun halo kontente uluk sira nia an duke tau matan ba povu uluk

Hafoin, Sr. Taur Matan Ruak, mós hateten katak, la justu wainhira povu sei moris iha kondisaun aat, Ukun Na’in sira hakarak halo buat ne’ebé luxu ne’ebé povu kiik sira la hetan benefisia hodi hatan ba sira nia nesesidade baziku (emidiatamente).

“Ha’u foin dadauk ba Suai, i ha’u husu inan-aman sira iha ne’eba, imi sei sa’e aviaun ka lae? Sira dehan maun, aviaun ne’e ami la sa’e. Tamba la tula ami nia fos, fehuk, farina no animal oan ne’ebé ami hakiak atu lori ba Dili fa’an”.

Haree fila-fali ba realidade no programa dezenvolvimentu ne’ebé maka la’o keta-ketak, Komandante FALINTIL ikus liu ne’e reforsa maka’as nia argumentu no dehan katak, “Ha’u sei sai fatuk iha sira-nia sapatu, enkuantu la hasai, sira sei la’o la di’ak. Ha’u hanesan nati iha sira-nia biti okos, ne’ebé sei tata bebeik sira, enkuantu sira la hasai. Ha’u hanesan utu iha sira-nia  fuuk laran, enkuantu la hasai, ha’u sei tata bebeik sira. Ha’u hanesan katuma ba iha sira-nia ropa laran, enkuantu la hasai, ha’u sei tata hela de’it sira. 

Antes atu taka kampaña TMR husu no fó korajen ba Atonio oan sira atu brani no lalika ta’uk ba ameasa no presaun hosi partidu balun nia ema. Ema sira ne’ebé  tama sai uma ameasa inan-aman sira hodi tau presaun atu labele vota ba partidu PLP. Tanba dehan, karik PLP manan sei halakon pensaun ba idozu sira no ZEESM. 

~~~~~~~~~ HOTU ~~~~~~~~~