Kampaña PLP iha Postu Lolotoi. Kampaña PLP iha Postu Lolotoi. Foto PLP.

TINAN 10 UKUN LA SUSESU TMR DESIDE LA’O KETAK HOSI XANANA

Jun 26

Lolotoe, 27 Juñu 2017 –  Prezidente Partidu Libertasaun Popular, PLP, Belun Boot Taur Matan Ruak, deside hodi la’o ketak hosi nia Kompaineru ba Luta, Kay Rala Xanana Gusmão, tanba ukun durante tinan 10 la susesu.

“Primiera ves ami rua la’o ketak, haketak malu, ida hosi partidu ida, ida husi partidu seluk, mas tamba saida? Tamba, nia la susesu iha tinan 10 nia laran, maibe sira ne’ebé tabele nia mak susesu fali,  ema hadomi  nia la iha ne’eba, inklui ha’u Matan Ruak”, Komandante ikus liu FALINTIL hato’o ba militantes no simpatizantes iha kampaña PLP nian ba loron dala wualu parte lokraik iha Postu Administrativu Lolotoe, Munisipiu Bobonaro, Terça-feira semana ne’e.

Hafoin, Eis-Prezidente Repúblika ba period, 2012-2017, ne’e esplika liútan, durante tinan 10 governasaun CNRT nian ne’ebe gastá osan billions ba billions la muda povu nia kondisaun moris liliu infra-estruturas bázikas ne’ebe liga diretamente ba povu nia moris.

Señor Taur Matan Ruak hato’o nia kontradisaun ba politika Governasaun CNRT nian ne’ebé halai liu ba mega projetu hirak hanesan, ZEESM no Costa Sul, maibé abandona tiha nesesidades bazikas povu nian. Tamba, Sr. TMR halo argumentu katak, mega projetu sira ne’e seidauk preoridades atu halo iha tempu agora, tamba povu nia moris sei susar hela.

Tamba ne’e, TMR deside tama iha polítika no harii partidu politika foun ho naran PLP nu’udar partidu alternativu ho objetivu atu trava no evita gastus kapital finanseira/osan povu nian ba mega projetu ne’ebe nia benfisiu ba gurpu elite ui’toan mak goza.

“Ha’u deside mai hamutuk ho imi iha PLP. Partidu-oan ida ne’ebé foin harii maibé ita iha kbiit tomak atu bersaing ho sira ne’ebé boot. Bersaing ho sira ho ita-nia politika ida de’it, riku fahe, oportunidade fahe, diskirminasaun lae!”.

Tamba ne’e iha kampaña refere, TMR husu ba ema hotu ne’ebé deskontente ho governasaun CNRT tinan 10, diak liu mai vota PLP hodi bele lori esperansa no mudansa foun ba povu lliliu ba povu kbiit laek iha foho no juventude sira. Tamba PLP mai ho programa simples mas klaru no oreintadu. 

TMR Husu Hodi Halo Apelo:

Sé ma hakarak uma kain ida, oan ida hetan  bolsu estudu, vota PLP.

Sé mak hakarak uma ka’in sira iha foho/rural hetan subsidiu material konstruksaun no iha urbana halo abitasaun, Vota Ba PLP.

Sé mak hakarak  nia uma lisan sira hadia fila fali no valoriza  fali  kultura no tradisoins sira, Vota Ba PLP.

Sé mak hakarak hetan formasaun tekniku, tama militar obrigatoriu no tuir programa serbisu patriota no serbisu  sivika nasional, Vota Ba PLP.

Sé mak hakarak halakon Pensaun Vitalisia Vota Ba PLP.

Sé mak hakarak jalan tol (auto estrada) aeroportu internasional no uma andares as, vota ba CNRT.

Sé mak hakarak projetu ZEESM vota  ba FRETILIN.

 

~~~~~~~~ HOTU ~~~~~~~~

Read 44 times
|P|L|P|

Partidu Libertasaun Popular (PLP)

Website: https://plp.org.tl