TMR, “PLP UKUN LA DIAK IMI BELE KASTIGU VOTA FALI PARTIDU SELUK”

Jun 26

Suai, 26 Juñu 2017 –  Prezidente PLP, Belun Boot Taur Matan Ruak hateten karik iha mandatu tuir mai povu fó fiar ba PLP ukun, maibe ukun la diak, ukun buka  de’it preveljia grupu no amigu, ukun la tuir  nesesidadespovu nian, povu bele kastigu PLP, tinan lima mai  bele vota fali ba partidu seluk ne’ebe iha programa di’ak liu.

“Ama rai didiak livru ne’e (manifestu politiku) karik PLP imi fo fiar ukun, mas la diak tinan lima mai imi kastigu ami hodi vota fali ba Partidu seluk. Partidu seluk mak ko’alia iha kampaña ida mas ba ukun halo fali seluk, PLP lae.. PLP mai ho programa simples mais ne’e mai hosi inan-aman sira nia rekomendasaun ne’ebe uluk  fo  ha’u wainhira w sei hanesan Prezidente vizita imi nia suku”, dehan Prezidente PLP.

Eis Gerileiru ne’e  esplika,  governasaun  FRETILIN no CNRT ukun tuir saida mak sira hakarak maibe laos saida mak povu hakarak, tanba ne’e PLP lakohi halo tuir modelu ukun partidu rua ne’e.

Tanba ne’e Eis Xefe Estadu Major Jeneral F-FDTL ne’e apela ba simpatizantes no apoiantes sira PLP nian no  povu iha partidu seluk atu vota ba PLP iha 22 Jullu 2017 atu bele lori mudansa ba rai no povu ida ne’e, tanba so PLP mak mai ho programa no politika klaru I nia alvu ba sidadaun sira la’os ba elite sira.

Prezidente PLP hatutan FRETILIN ukun ona tinan 5 no CNRT ukun ona tinan 10, agora ne’e tempu PLP nian para atu ukun hodi halo mudansa ba sasan ne’ebe la’o la diak durante ne’e iha governasaun laran. 

~~~~~~ H O T U ~~~~~~

Read 28 times
|P|L|P|

Partidu Libertasaun Popular (PLP)

Website: https://plp.org.tl