Dili, 29Jullu 2024- Estrutura Nasionál Partidu Libertasaun Populár (PLP), kompostu husi Vise Prezidente datoluk, Belun, Maria Angelina Sarmento, Prezidente Fiskalizasaun, Belun Azevedo Marçal, Membru Planu Estudu Estratéjiku, Belun Veriato, Koordenadór Orgaun Asosiada FOK, Belun Noe Gaspar, akompaña husi Koordenadór PLP Munisípiu Dili, Belun, Mario Freitas, hamutuk ho estrutura munisípiu to'o aldeia realiza serimónia agradesimentu no avaliasaun ba servisu partidu nian, oinsá mak hametin no konsolida liután estrutura husi nasionál to'o aldeia, inklui militantes no simpatizantes sira hodi prepara ba futuru.
Iha oportunidade ne’e, estrutura nasionál lori Prezidente PLP, Belun Boot, Jenerál Taur Matan Ruak, nia naran agradese ba estrutura munisípiu Dili nian husi postu, suku to'o aldeia, inklui organizasaun filiada sira, militante no simpatizante sira iha munisípiu Dili ne’ebé servisu maka’as no fó konfianss ba PLP iha Eleisaun Parlamentár liubá.
Maske daudauk ne’e PLP nu’udar partidu opozisaun iha Parlamentu Nasionál maibé estrutura husi munisípiu, postu, suku to’o aldeia, inklui organizasaun filiada sira, militante no simpatizante kontinua konsolida, firme no hamutuk luta nafatin ba vitória partidu PLP nian iha futuru.
