Sabadu, 29/06/24
Ainaro, Partidu Libertasaun Popular (PLP) nia dirijiente nasional realiza atividade hodi agradese ba votus neebe hetan husi munisipiu Ainaro iha eleisaun 2023 nian no halo avaliasaun ba estrutura sira.
Iha atividade nee reprejentante dirijiente nasional sira agradese no apresia ba esforsu tomak husi estrutura no militante sira munisipiu Ainaro nian, tanba maske hasoru situasaun difisil maibe ho vontade aas no hatudu nafatin sira-nia firmeja iha filleira TAUR MATAN RUAK.
Iha biban hansan, estrutura no militante sira selebra mos Aniversariu Vise I belun Abrão J Freitas ho Belun Loro Mesak nian ho surpreja neebe simples maibe nakonu ho domin no amizade nuudar belun iha misaun ida luta ba Libertasaun Popular nian.
Atividade nee, realiza iha salaun Ainaro hetan partisipasaun husi estrutura nasional, Vise I belun Abrão Jose Freitas, belun Abel Pires, belun Natalina de Araujo, belun Natalino, belun Arakat no hetan partisipasaun husi representa Partidu FRETILIN, KHUNTO NO PD.
TIMOR TENKI BA OIN
