Kovalima 06/05/2024
Prezidente Partidu Libertasaun Popular (PLP) Belun Boot Taur Matan Ruak, akompaña husi estrutura nasional Vise Prezidente Abel Pires, belun Natalino, no koordenadór Munisipiu Aileu, Ainaro hodi hato’o agradese ba Militante no simpatizantes Partidu PLP nian iha Munisipíu Kovalima ne’ebe iha elesaun parlamentar tinan 2023 fó votus makas ba Partidu PLP.
Atividade ne’e realiza iha Suku Dais postu Administrativu Maukatar Munisipiu Covalima, hetan prezensa maximu husi estrutura postu administrativu suku to’o aldeia no movimento sanulu resin inklui koordenadór Partidu FRETILIN, KHUNTO no militantes CNRT balun.
Iha Intervensaun Prezidente PLP Belun boot Taur Matan Ruak agradese ba koordenadór Munisipiu no estrutura tomak kovalima nian ne’ebe esforsu makas hodi halo votus sae makas tanba hakarak Programa sira.
‘Tanba ne’e ha’u hakarak agradese Kovalima, tanba imi fó fiar ba ami liu rihun 4 resin, iha 2017, rihun 1,904, iha 2023, 4,134, ne’e aumenta, maibe ha’u hakarak hateten ita ema iha grupu tolu, ida ema ne’ebe matenek, grupu seluk ema ne’ebe beik grupu terseiru ema ne’ebe bulak, imi kovalima grupu ida ne’ebé, grupu ida ne’e matenek mak aprende husi ema nia sala, grupu ida bulak ne’e aprende ho nia sala rasik, grupu ida beik ne’e la aprende ninia sala no ema seluk nia sala, ha’u fiar 2028, imi sei la tu tan ba sira’ dehan Prezidente.
Lider Masimu PLP ne’e realsa, votus ne’e osan mean kuandu hili sala fuan dodok tinan lima.
‘Ha’u hateten ba imi, imi nia votu ne’e osan mean, imi kuandu la hatene uza kuandu liu imi nia fuan dodok, imi atu halo saida tanba ne’e tinan lima,’
Iha elesaun 2023, Suai Kovalima mak sa’e, seluk iha Timor laran tomak kastigu ha’u, 2017 ha’u nia kadeira ualu 2023 hatun tiha ba haat, entaun ha’u dehan hanesan ne’e, ha’u ajuda ha’u nia inan aman mas sira kastigu fali ha’u, laiha buat ida fó fali ba CNRT, saida mak CNRT halo, sira dehan Avo Taur ladi’ak, saida mak ha’u ta’u iha imi nia bikan laran sira hapus tiha, iha Dili nia lori tratór dudu tan ki’ak sira, ohin ha’u hasoru mana ida tanis, iha fatin barak tanis dehan Avo Nana ladi’ak ha’u dehan Avo Nana diak, imi mak ladiak hili nia, tanba imi labele fase liman, 50% imi lori todan, 50% nia lori, agora imi husu ha’u lakon, ha’u la lakon, ha’u nia mataben dalaruma monu tanba ha’u hanoin imi, tanba imi hare iha Timor iha primeiru Governu to’o Nunu Governu imi hare laiha Governu diak liu tau matan hanesan ha’u nia Governu, laiha, ne’e iha kampaña 2023 ha’u hateten imi buka sei la hetan, sira ukun ba Riku la’os ba ki’ak, ba imi sira presiza de’it imi nia votus,
‘Ha’u rona dehan iha Kovalima ne’e katak sira ne’ebé ukun ne’e hare imi matan la mós, imi hateten bas ira mundu ne’e kabuar ohin o nian aban ha’u nian, uluk ita hateten ba Indonezia agora o nian loron ida ami nian, o tau kilo 20 mai ha’u nia leten, ha’u nia fali dalaruma 1 ou kuandu ha’u hirus liu 100 ida mak ba o nia leten, tanba saida, o labele halo ema seluk buat ne’ebé o lakoi ema seluk halo ba o, sei o halo o mak sei hili, ita ema hanesan ne’e’.
‘Ha’u hateten ba imi halo an beik husi ba sira bidu loron ruma ita bidu fali sira hateke ba ita nia oin sira sei moe, ha’u la konese imi iha ne’e konese balun maun alin, imi hamutuk karik balun fila mai ou hasoru iha mate uma ka dahur ruma hateten bas ira bidu naton ohin o nian aban ema seluk nian’.
‘Ha’u hato’o obrigadu barak tanba imi fó konfiansa, iha ne’e ba oin, ita iha buat ida luta para konkista buat ida iha VIII Governu bele hetan fali, la gampang, bolsa kbiit laek sira, ita nia oan sira rihun resik foin dadaun forma iha ne’ebá, primeiru lugar segundu terseiru lugar hetan osan uluk iha kampana ha’u dehan oan primeiru estadu tau matan to’o Universidade’.
Imi hanoin ida ne’e tinan lima imi terus la’os sira mak la fó buat ne’ebé iha imi nia liman imi mak hamamuk fali, ne’e buat ida ke todan, hanesan ita forma ba haan husik hela mak imi nian, ita laran moras fuan.
Kovalima imi nia votu ne’e importante loos, imi tur kompara Governu ne’e ukun ida ne’e mak halo diak bai mi diak bai ta nia rain para ajuda imi hili. Malae nia lian dehan oportunidade ne’e mai dal aida la mai dalarua, ema seluk duku sei lori tempu naruk ona, ita labele soe sala ba se, tanba ema dehan o hatudu liman fuan ida ba ema sia mai fali imi.
Uluk ha’u Primeiru-Ministro iha Bekora hasai ema nia uma avo Nana ba tanis dehan Dili la’os ba riku nian deit ki’ak nian mós, nia sae fali lori tratór dudu bei oan sira, politika ne’e imi hare kalae ohin dehan ida aban dehan fali ida, imi duir fali imi, ha’u tanis la hatene, ha’u hare imi run nehan, avo tanis hatene
Imi nia votus ne’e osan mean determina imi nia moris familia nia moris iha tinan lima, imi vota imi tenke simu tanba Governu la’os nia mak hakarak ba imi mak dudu
ba liu husi imi nia votu labele fó sala tanba sa nia sala imi fó fali imi nia votus tanba ne’e tenke hanoin mak vota. ba liu husi imi nia votu labele fó sala tanbania sala imi fó fali imi nia votus tanba ne’e tenke hanoin mak vota.
Agradese ba koordenadór ho estrutura sira agradese tanba depois de elesoen foin fo tempu ha’u mai iha ne’e. prepara ita nia an ba loron aban bainrua.
Iha agradesimento ne’e koordenadór PLP Kovalima Belun Quintino da Costa sente ondradu no orgulhu tanba iha avaliasaun no agradesimento ne’e bele marka prezensa direita husi belun boot Taur Matan Ruak
Iha serimonia marka prezensa masimu husi militantes no simpatizantes tomak inklui komunidade hirak ne’e hakarak rona Belun boot Taur Matan Ruak nian.
#Timor tenke ba Oin#
Brigada Media PLP
