Sabadu, 20/07/24
Partidu Libertasaun Popular (PLP) nia Prezidente belun boot TAUR MATAN RUAK hamutuk ho ekipa husi nasional realiza serimonia agradesimentu ba estrutura no militante sira iha Raeoa.
Iha serimonia nee, Prezidente Partidu Libertasaun Popular (PLP) hatoo agradesimnetu boot tebes ba konfiasa liuhusi votus neebe oferese husi estrutura no militante sira Raeoa nian iha eleisaun parlamentar tinan 2023 nian.
Prezidente PLP belun boot TAUR MATAN RUAK iha intrevensaun hateten, husi ema hirak neebe maka hamutuk ho ita apoiu votus iha eleisaun parla
mentar 2023 hatudu katak oituan ka barak ita iha forsa ida neebe hakarak mós luta hodi kontribui ba dezenvolvimentu iha rai ida nee, ukun nee rotasaun ida ohin se maka aban se maka ukun tan mós bele inportante ita hotu iha hakarak ida deit, povu tenki moris diak no moris dignu iha nia rain rasik, tanba ita Timor Leste nudar pais ida neebe adopta sistema domokrasia tenki respeita povu nia desizaun no hakarak.
Nunee, Prezidente PLP belun boot TAUR MATAN RUAK kontinua dezafia estrutura sira iha Raeoa husu atu labele lakon esperansa, nafatin servisu hamutuk ho ema hotu hodi kontribui ba dezenvolvimentu iha rai ida nee, Timor Leste nee ba ema hotu.
Sorumutu nee, halo mós avaliasaun ba estrutura munisipiu no postu sira, ao mezmu tempu rona mós opiniaun husi baze konaba prosesu tomak neebe maka ultrapassa too iha eleisaun parlamentar hodi refleta hamutuk oinsa bele hadiak liutan servisu no politika partidu nian ba futuru.
Atividade nee dirize direta husi Prezidente-PLP belun boot TAUR MATAN RUAK no akompana husi vise I belun Abrão Jose Freitas, vise IV belun Abel Pirez, prezidente Juridika belun Merita Correia, CPN belun Silvestre Teme, Camponsa belun Honorio Freitas, belun Martinho Gusmão no marka prejenesa husi estrutura munisipiu, postu too suku.
TIMOR TENKI BA OIN
