Baukau, 6 Outubru 2024 –
Kordenadór PLP munisípiu Baukau ho nia estrutura atualiza informasaun ba kuadru PLP iha Baukau hafoin partisipa reuniaun iha Sede Nasionál PLP, loron 05 fulan-Outubru tinan ne'e.
Iha atualizasaun ne'e relata ba kuadru PLP nian iha munisípiu Baukau kona-ba mekanízmu halo preparasaun másimu hodi partisipa iha Kongresu Nasionál daruak (II) Partidu Libertasaun Populár nian.
Aleinde ne'e rona mós kuadru sira-nia hanoin, para depois formaliza sai informasaun ofisiál ida iha Kongresu Nasionál ne'ebé tuir planu sei realiza iha loron 19 to'o 20 fulan-Outubru tinan 2024.
Reuniaun ne'e lidera husi Kordenadór PLP Municipiu Baucau, Belun Helder Freitas "Kamarudin", no hetan partisipasaun husi Ezekutivu PLP munisipál Baukau, CPN, Komisaun Jurídiku, Komisaun Fiskalizasaun, órgaun asosiadu sira, inklui koordenadór PLP husi postu administrativu 6 iha Baukau.
