HATUBUILICO – Loriku PLP atraves Movimentu Loriku Buka Diik Funan (MLBDF iha fim de semana ne'e lori mensajen esperansa ba moris di'ak nian iha Foho Ramelau nia hun.
Kordenador MLBDF Belun Augusto Pereira ho nia ekipa, akompaña hosi Estrutura Nasionál PLP hanesan mos Ainaro-oan, Belun Signi Verdial no Belun Amilcar, simu ho haksolok kompanheiru sira hosi CNRT no PD ne’ebé ho fuan boot deside hili hakarak atu hamriik hamutuk ho Lider Nasionál Taur Matan Ruak no PLP, tanba fiar katak PLP mak úniku dalan tau matan ba povu ki’ik no kbiit-la’ek sira.
Tanba sá PLP mak Alternativa ba 2028?
Lideransa ho Integridade: Taur Matan Ruak hanesan simbolu dedikasaun ne’ebé la nakdoko ba Povu.
Justisa Sosiál: Fokus ba dezenvolvimentu ne’ebé haree ba ema hotu, la’ós de’it ba grupu balu hanesan ukun agora.
Unidade Nasionál: Simu ema hotu ne’ebé iha vizaun hanesan atu hadi’a rain ne’e ba oin.
Mai ita hamutuk salva Timor-Leste!
Ita-nia votu no ita-nia apoiu sei lori Timor-Leste ses hosi ukun nebe buka hariku an no hariku grupo deit.
